Cronicas demiurgicas, La tèrra de la servitud, Volume 5 - Franc Bardòu

Cronicas demiurgicas, La tèrra de la servitud - 2022, Volume 5 - Franc Bardòu

Dins los tres primièrs volumes de sas Cronicas demiurgicas, publicadas, en 2020, en omenatge a las victimas del camp de concentracion del Vernet (país de Pàmias), Franc Bardou a publicat, en 2021, una primièra tièra de sirventeses en omenatge a las victimas republicanas del còp d'estat fascista de 1936 en Espanha, Catalonha e Euskadi (Cf « Estat d'urgéncia poetica », Votz de Trobar n°37). Acaba, amb aquel volume 5 de las meteissas cronicas, son camin cap a la memòria tròp lèu evacuada de la primièra partida de la segonda guèrra mondiala, qualificada amb condescendéncia de Guèrra Civila d'Espanha. Dins los passes d'Albèrt Camus e d'Estève de La Boétie, vos propausa d'explorar amb el « La tèrra de la servitud », la dels umans tan fregelucs e paurucs, que d'en primièr vòlon securitat, en plaça de la libertat, de l'egalitat et de la fraternitat, de las lengas, de la culturas e dels pòbles. Las butadas fascistas del sègle passat e las reptacions criptofascistas del mond actual s'i entrebèscan sense esfòrç, se que non lo d'una fèrma luciditat. Quand lo lengatge se fa lutz crusa...

Obra poetica en occitan - revirada en francés per l'autor.

Illustracion cobertura: Entelado-CNT-FAI-1937. Foto de l'autor Franc BARDÒU per Christel Rey.

Colleccion Votz de Trobar n°46.

Edicions Tròba Vox.