Un estiu sus la talvera - Sèrgi Gairal - ATS 145 (2001)

Un estiu sus la talvera - Sèrgi Gairal

Aquela quermessa de junh foguèt la darrièra per  nosautres, los CM2. Ne parlàvem dempuèi setembre, a l'escòla de segur, a l'ostal tanben. Causiguèri la còla des vèspre, l'animacion d'un taulièr. M'estimavi mai aquò que non pas de monta sus l'empont per l'espectacle del ser. Sabiái que d'unes aurián pas mancat de comparar amb mas sòrres que, dos ans enrè, aviánjogada una pèça novèla de Pèire Boisset « Totjorn raja la canèla ». Adaptada pel mèstre, èra estat un succès extraordinari pels sièis escolans e, mai que mai, per elas. Aviá pas agut besonh de cercar longtemps doas escolanas que se revertèsson fòrça, las aviá a posita, la Sandrà e la Sandrina, las doas bessonas de la classa. 

Collection A Tots 145, IEO Edicions (first edition of 2001).