Letras a un amic musulman, followed by "Google Death" - Brunò Peiràs

Letras a un amic musulman, followed by "Google Death" - Brunò Peiràs

Through these letters and the collection of short stories that follow, the author gives us a personal meditation on Islam and friendship. Questions his relationship to religion.

Que siá a travèrs las Letras a un amic musulman qu’es una meditacion personala qu’entamenèri fa bèl temps sus l’Islam e l’amistat, o a travèrs las istorietas que seguisson (recampadas dins la segonda partida ambe Google Death) volguèri interrogar ma relacion a la religion, es a dire : a Dieus, a la vida, a la mòrt, al poder e a la libertat. Qu’es aquò que nos libèra ?
Qu’es aquò que nos fa esclaus ? Nòstras cresenç modèrnas, dins la tota poissença de l’informatica, dins la " civilizacion occidentala " e dins la societat de consum, valon mai que las ancianas ?
I a pas aquí cap de responsa a tot aquò, plan segur. Ba disi a moment donat : ma rota es falsièra desempuèi la debuta, soi desvariat, que degun me seguisca pas. Es pas un libre militant !
Es simplament un biais de rendre gràcia, a Dieus (lo Grand Absent), a "I" (lo nombre imaginari) o mai simplament a la vida, d’aver faita possibla l’amistat, qu’es benlèu la clau de tot.

Aquela letra I pòt èsser, per l’autor, la I d’Islam, I la representacion matematica del nombre imaginari (que permet de resòlvre eqüacions malaisidas), I coma imaginari, l’afirmacion personala del Ieu (en anglés) que pòt venir un Ieu collectiu en Jamaïca.
Una reflexion noirida dels sejorns que l’autor faguèt en Senegal — dins una contrada ont musulmans, crestians e animistas vivon cotria — soscadissa que vira al plaidejar per l’amistat.

La segonda part del libre (56 paginas) recampa unas novèlas que caduna representa un afrontament dels umans amb la mòrt.

Collection Vendémias n°79, editions IEO-Aude (Institut d’Estudis Occitans).