Pèire e Marià - Ferran Delèris – ATS 130

Sèm en 1917. Pèire torna en permission pel primièr còp dempuèi la debuta de la guèrra. Son bèl-paire, qu'a plan conegut Jaurès, demanda a son patron d'intervenir per far requisicionar Pèire luènh del Front. Mas Marià, sa femna, lo daissa tornar partir perque se sent pas lo drech de li demandar de renonciar a son onor e a la solidaritat qu'a establida amb sos companhs de misèria. Lo prètz a pagar serà terrible : lo sacrifici del bonur, la mòrt, lo remòrs insostenible d'aver faita la marrida causida... Un libre de revòlta contra l'eterna baujariá umana qu'afraba las amors pus bèlas al nom d'idèias dessenadas. Retrobam aicí lo meteis univèrs e la meteissa justesa de ton que dins l'Aucon. A Tots 130. IEO Edicions.