Villàs de femnas - Miquèl Decòr

Villàs de femnas - Miquèl DECÒR

En Menerbés, per las vinhas, los cabanòts servissián, e benlèu encara, per recaptar los espleches, abrigar de l'auratge vendemiaires e vendemiairas, aculhir las amors bartassièras qu'i venián e, quau sap, venon totjorn, nisar d'amagat.
La particularitat d'aquestes granjòts e autres masets es que pòrtan de pichons noms femenins : Carmen, Liseta, Annà... Entau s'aparentan a de villàs de vila batejadas dau mème biais.

Miquèl Decòr a causit d'evocar lo destin tragic o malaürós d'unas femnas e filhas presas dins la chavana de la guèrra, victimas de degalhs collateraus.
Aquestes tèxtes fan resson e son lo pendent umil – rapòrt a la situacion de las femnas de l'epòca – a Agost de guèrra publicat en 2007 dins la colleccion A Tots de l'IEO. I trobam la mèma ambicion de l'autor de rendre justícia a d'èssers simples sovent moguts per l'amor.

Aquesta publicacion, fisada per Miquèl Decòr a l'IEO-Erau, l'autor l'aurà pas vista espelir, que se n'anèt dins l'annada. Grand gaug que n'auriá agut...

Co-edicion IEO Erau Edicions / IEO Aude

Fòto de cobèrta : Miquèl Alberò. Fòto quatrena: Georges Souche. Infografia: Elodia Saulnier per l'IEO OPM.
Obratge publicat amb l'autorizacion de la família.

L'auteur:

Né à Bize-Minervois en 1949, Michel Decor grandit "entre Cesse et Pech, étés torrides et secs de l’arrière-pays minervois ; saison verte des asperges sauvages ; vendanges amoureuses au goût de moût sucré, et cresson de Noël arraché aux eaux tièdes de la Doutze". Il a été professeur de lettres. Il s’est fait connaitre pour son oeuvre poétique (Lo pastre de las Estèlas en 1993, La nuèit esquiçada en 2001, Letras de Mogador, Quasèrn Valdés). Il était également auteur de livres pour les enfants (La Sarramauca, L'ase de Josèp). Il nous a quitté en 2021.

Dans l’un de ses poèmes, Miquèl Decòr se définissait comme un simple porteur de paroles. À côté de son abondante oeuvre poétique, il a excellé dans l’art de la nouvelle, rendant compte des faits d’une façon au plus proche de l’humain : des doutes ou des erreurs, de l’engagement ou l’acceptation de la fatalité dans Agost de guèrra et dans Villàs de femnas.