Vòutz e Morres d'Occitània - Paolo Ansaldi - DVD

Vòutz e Morres d'Occitània - Paolo Ansaldi - "Total Festum"

Enfachinat da la lenga occitana en auton me siu inscrich a un cors de lenga a Vaudier organizat da la Chambra d'òc; fins da las premieras leissons ai sentut un'atmosfèra plasenta e familhara, ente tuchi portavon un contribut per l'estudi de la lenga second lor experiènça. An aquel temp aviu da gaire terminat un miu documentari que parlava de la question occitana, a travèrs un grop musical, lhi Lou Seriol, dins una pichòta granda valada, la Val d'Estura e ai decidat de lo far veire al cors, lo resultat es estat positiu e Ines Cavalcanti m'a prepausat de virar un reportatge sus la granda manifestacion de Montpelhier, lo "Total Festum". Com aquò après doas setmanas eron ailen; una preciosa ajuda a mon impresa m'es arribaa da Martino Gallo, que s'es rivelat un exelent entrevistaire. La jornaa es estaa plena e rivelatritz, gent que arribava da tota l'Occitània era aquí, sus la granda plaça a manifestar per una granda cultura, aquela occitana. Un event totalizant, un'experiença única, jamai provaa, un ver Total Festum.

Retornat dins nòstras Valadas me siu butat a visionar lo material, e après qualque jorn lo reportatge era montat, 8 minutas ente ai cerchat de sintetizar lo grand event.

Paolo Ansaldi

DVD 10' - Edicion Chambra d'Òc - Total Festum - 2007.

Extrait: