Mistral abans Mirèio - Maria-Clàudia GASTOU

Mistral abans Mireio - Maria-Clàudia Gastou

Cossí Mistral prenguèt part a l’espelison del Felibrige e de l’Armana prouvençau (1854-1859)


Aquel estudi pòrta pas sus la genèsi del cap d’òbra mistralenc, Mirèio, mas sul trabalh d’escritura en lenga nòstra que lo poèta provençal endralhèt tre las annadas 1850, mentre qu’alestissiá son poèma epic.
Normalizacion ortografica, sintaxica e semantica, fondacion del Felibrige, publicacion del primièr numèro de l’Armana prouvençau, tot aquò foguèt l’òbra comuna d’un rodelet de poètas avinhoneses. Mistral ne foguèt un cepon màger. Aquel libre s’esperfòrça de faire lum sul ròtle que lo poèta, qu’avià pas encara trenta ans, joguèt dins la vida literària provençala de las annadas 1850.

1859 es l’annada que vegèt la publicacion de Mirèio e la consecracion parisenca de son autor. Aquel estudi pòrta pas sus la genèsi del cap d’òbra mistralenc, mas sul trabalh d’escritura en lenga nòstra que lo poèta provençal endralhèt tre las annadas 1850, mentre qu’alestissiá son poèma epic.

Normalizacion ortofica, sintaxica e semantica, fondacion del Felibrige, publicacion del primièr numèro de l’Armana prouvençau, tot aquò foguèt l’òbra comuna d’un rodelet de poètas avinhoneses. Mistral ne foguèt un cepon màger.

Aquel libre s’esperfòrça de faire lum sul ròtle que lopoèta, qu’avià pas encara trenta ans, joguèt dins la vida literària provençala de las annadas 1850. Mòstra que l’Armana prouvençau foguèt l’aisina que deviá permetre de menar a tèrme çò que cal plan nomenar la renaissença felibrenca. Determina l’espandida e la natura de la collaboracion mistralenca a la revista annadièra, en botar en relèu la diversitat granda de las formas d’escritura qu’i desvolopèt : pròsas fonccionalas e militantas, racontes, isorietas umoristicas, poèmas de tota mena... Enfin, assaja de botar en perspectiva l’òbra mistralenca de relevament de la lenga e de la literatura provençalas.

Un periòde pron desconegut dins la carrièra literària de Mistral, mas tanben un moment capital dins l’istòria lingüistica e literària de l’Occitània dins un estil passionant e rigorós.

Colleccion Textes & documents, IEO edicions

Una vista lèsta de la taula :

I - Mistral e la logistica de l'Armana prouvençau
II - Mistral e lo militantisme de l'Armana prouvençau
III - Mistral e las istorietas de l'Armana prouvençau
IV - La participacion literària de Mistral a l'Armana prouvençau

Annèxes :
Documents iconografics, Los collaborators, Repertòri dels escaisses, Los collaborators e sas collaboracions, Las collaboracions de l'autor problematic, Bibliografia.

Notícias:

Maria-Clàudia Gastou no’nse liura pas un estudi de cap a la genèsi de l’òbra mistralenca, mes suu tribalh d’escritura qui lo poèta provençau aviè arron las annadas 1850, mentre que hargava Mirèio, lo son famós poèma epic. Normalizacion ortografica, sintaxica e semantica, fondacion deu Felibrige, publicacion deu prumèr numèro de l’Armana prouvençau, tot aquò que constitueish l’òbra comuna d’un arròu de poètas avinhonés.

Sèrgi Javaloyès, Reclams n° 822-823 / 2012.