Flore et faune dans la toponymie vauclusienne - Gilles Fossat

Flore et faune dans la toponymie vauclusienne - Gilles Fossat

(Flòra e fauna dins la toponimia vauclusenca)

La toponimia del departament de Vauclusa a balhat una varietat granda de noms inspirats per la vegetacion e pels animals, que fan pròva de las relacions estrechas qu'an existit entre lo mièg e sos abitants. La recèrca presentada dins aquel libre es ordenada en doas partidas, consacradas respectivament a la flòra e a la fauna, caduna essent subdividida de la faiçon seguenta:
 - un classament per òrdre alfabetic dels noms repertoriats dins los cadastres del sègle XIX e dins las cartas topograficas actualas de l'IGN ;
 - la sintèsi d'aqueles noms, classats segon lor tipologia e lor origina lingüistica ;
 - qualques « fals amics » e noms d'ostal o chafres.

Son recensats e estudiats mai de tres cents noms de vegetals e d'animals, salvatges o domestics. Per comprene aqueles noms e evitar las trapèlas que pòdon conténer, aquel estudi s'apièja sus l'etimologia e sus l'evolucion d'aqueles noms, a partir de lors formas ancianas e localas, en los plaçant dins lor contèxt lingüistic.

Collection Nomino ergo sum, edicions La Harmattan.

L'autor:
Gilles Fossat s'interèssa dempuèi de nombrosas annadas a l'estudi de la toponimia, coma mejan de compreneson del mièg natural e uman. A publicat dins la meteissa colleccion Les Noms de l'eau en Vaucluse (2012), Les Noms de la pierre et du relief en Vaucluse (2018), e Toponymie du pays d'Arles (2015).