L'An de l'Aulhèr (L'année du berger) - Denis Frossard

L'An de l'Aulhèr - Denis Frossard

Dens aqueth raconte en imatges, Denis Frossard que'ns conta la vita pastorau pontuaument on pastors e pastoressas que son sovent saunejats com un mestièr dens lo vent de las cimas. Qu'ei un libe beròi de fotografias e qu'ei sustot un libe d'atmosfèra, de descobèrta deus gèstes deu quotidian qui son un saber har ancestrau.

Qu'ei dens lo Biarn haut qui hèn ua part de las bonas deu hromatge d'aulha, floron de la gastronomia pastorau montanhòla.
Pendent 5 ans, Denis Frossard que seguí 13 aulhadas enter las vaths de Varetons, d'Aspa, d'Aussau e de l'Ozom en acompanhar las transumàncias, la vita en estiva, la molhuda, la fabricacion deu hromatge, la vita au cortau e las anheradas.
Ací un raconte en imatges dab las mei bèras de las soas fòtos, on quauques legendas qu'ajudan a caminar pendent l'an de l'aulhèr, au cor de l'amna deu pastoralisme deus Pirenèus biarnés.

Ua immersion dens l'univèrs deus pastors per ua seleccion de clichats hant pròva deu lor quotidian, de la montada deus tropèths en montanha a las anheradas, en passant per la confeccion deus hormatges e la molhuda en estiva. De corts tèxtes qu'acompanhan las fotografias.

Prefaci de Patrice Teisseire Dufour, reportar e cap de la rubrica Montagne de Pirenèus Revista.

Tèxte en francés e en gascon, edicions Reclams.


L'autor:

Originari d'Ortès, Denis Frossard que realizè reportatges numerós suu monde montanhòu per Ràdio França.
Qu'estó tanben professor de letras a Pau, en tot tribalhar tanben com musician suu repertòri occitan o las musicas latinas.
Descendent deu pastor Emilien Frossard, companh d'ascension de Russell e confondator de la societat Ramond a la fin deu sègle XIXau, que practica la fotografia despuish numerosas annadas e que hè mustras dab lo son tribalh suus Pirenèus dens mantuas manifestacions culturaus.