Letras de mon molin - Alphonse Daudet - Andrieu Lagarda

Letras de mon molin - Alphonse Daudet - Traduccion occitana d'Andrieu Lagarda

Dins una lenga linda e agradiva, Andrieu Lagarda nos balha una polida traduccion de Les lettres de mon moulin d’Alphonse Daudet, òbra classica de la literatura francesa.

Quin plaser de descobrir, o tornar descobrir la Cabra de Monsen Seguin, lo Curat de Cucunhan, l’Elixir del Reverend Paire Gauchèr, lo Sost-Prefèct al campèstre, lo Secrèt de mèstre Cornilha e plan d’autres. Tristes o gais, malencònis o satirics, aqueles pichons caps d’òbra son plen de malícia, de poësia e d'emocion.

Tot legissent los contes e novèlas de Daudet, caminaretz dins una Provença un bocin somiada, mas tant embelinaira e misteriosa… Aqueste enrasigament de las Lettres de mon moulin dins lo Miègjorn provençal se prestava plan a una revirada occitana. La d’Andrieu Lagarda, dins una lenga linda e aisida, rend agradivament l’encantament de l’original que sa pròsa rica e agradiva se legís amb grand plaser.

Traduccion de l’òbra d’A. Daudet per Andrieu Lagarda, illustracions de Sofia Vissière.

Amb un lexic occitan-francés a la fin del libre.

Edicions Letras d'òc.

Descubretz perèu aici lo libre audio "Contes de mon molin" legit per Maria-Odila Dumeaux.

L’autor:
Alphonse Daudet (1840-1897).

Lo traductor:
Nascut a Belestar (Arièja) en 1925, regent, puish  professor d’espanhòu e conselhèr pedagogic d’occitan, fondator deu CREO, Andrieu Lagarda qu’a publicat mantuns libes de contes, d’etnografia, de lexicografia, de traduccions en occitan lengadocian  shens comptar los sons libes dedicats a l’ensenhament de l’occitan.

Taula: 17 contes e novèlas
- Abans-tast
- Installacion ,
- Lo Secrèt de mèstre Cornilha,
- La Cabra de Monsen Seguin,
- Las Estelas,
- L'Arlatenca,
- La Muòla del Papa,
- Lo fare de las Sangunàrias,
- L'agonia de la "Sémillante",
- Lo Curat de Cucunhan,
- Baladas en pròsa :
     La mòrt del Dalfin,
     Lo Sost-Prefèct al campèstre,
- Lo poèta Mistral,
- Las tres messas bassas,
- Las doas aubèrjas,
- L’elixir del Reverend Paire Gauchèr.
- En Camarga.