Una femna l'autra, la vida... contes e racontes - Miquèla Cabayé-Ramos

Una femna l'autra, la vida... contes e racontes - Miquèla Cabayé-Ramòs

Aqueles contes e racontes, en mesclant ficcion e realitat, nos balhan un còp d'uèlh rapòrt a la dolentosa condicion feminina.
Per amor de la Vida, del brèç a la tomba, en passant per la joventut, la maternitat, los temps madurs, lo vielhum, aquelas femnas quitan pas de questionejar lors pantaissadas, lors infortunas, lors bonurs e lors esperanças.

Per l'autora de "Una de las Corbièras nautas", un recuèlh de contes e racontes que mesclan ficcion e realitat : d'unes an lo biais de romans cortets, d'autres son d'adaptacions de contes...
L'ensemble dona un retrach de la vida de las femnas, dins lors experiéncias comunas.

Libre bilingüe francés e occitan.

illustracions d'Aimé Ramòs.

Edicions IEO Lengadòc

L'autor:

Miquèla Cabayé-Ramòs nasquèt en 1938 en Argèria ont son paire era militar. Enfància en Corbièras Nautas pais de sos aujòls, aprèp la guèrra de 1945 : la maire durbis una espiçariá, lo paire tòrna a la vinha.
Regenta dins la Nièvre en 1960. Aprèp la declaracion d' independéncia tòrna en Argèria en cooperacion (regenta formatritz a l'EN de Constantina). A son retorn en França es nornenada a Longwy (Lorena) puèi a Rodés ont prenguèt retirada. Participèt a la creacion de la Calandreta de Rodés que ne foguèt directora sèt ans. Publica son primièr libre en lenga d'òc en 2005: « Una de las Corbieras Nautas ».