Jean de l'Ours / Joan de l'Ors - Alan ROCH

Joan de l'Ors - Alan Roch

Joan de l'Ors es un albom pels joves (5-7 ans). Aquesta version corteta del conte tradicional dels Pirenèus (e adaptada pel jove public) es escrita en occitan e revirada en francés per Alan Roch, e illustrada per Elsa Huet.

Joan, filh d'un ors e d'una pastreta, ten una fòrça subre-umana. Corrís lo monde, rescontra tres companhs estranhs, combat un gigant, e salva tres princessas presonièras de las prigondors de la tèrra. Joan de l'Ors es un conte tradicional, pirenenc, occitan e universal ! Quatre paginas informativas (Una legenda universala ; Las fèstas de l'ors) complètan lo raconte

Version bilingua, occitan e francés.

Edicions de Cabardés.

L'autor:

Alan Roch es nascut en 1952 a Carcassona dins Aude. Regent puèi animator cultural, es tanben autor, traductor e contaire.
Foguèt secretari general a l’IEO (1981-1986).

Extraches:

Se pòt ausir lo conte legit en occitan e en francés, siá dins sa version corta, la del libre, siá dins sa version longa, la que ditz Alan Roch quand rescontra lo public, sul site de las edition-du-cabardes.fr

• Version corta audio en occitan
• Version corta audio en francés

Joan de l’Ors èra lo filh d’una pastreta e de l’Ors. Quand agèt sèt ans, s’escapèt amb sa maire de la tuta ont l’ors los teniá presonièrs.
Joan de l’Ors teniá totas las fòrças de la montanha e de son paire. Per partir faire fortuna pels camins del monde bèl, se farguèt una cana de sèt quintals amb resquits de fèrre vièlh...