Lo libre de Catòia - Joan Bodon

Lo libre de Catòia - Joan Bodon


Roman de Joan Bodon
Prefaci de Pèire Canivenc

"Òc, soi Catòia. Catòia l'Enfarinat.
Jamai soi pas estat coma los autres. Jamai. Perque soi Catòia. E tanben perque soi Enfarinat..."

Aital comença aquela autobiografia fictiva.
Luènh de son ostal e d'annadas mai tard, Catòia conta son enfança dins l'una de las darrièiras familhas d'Enfarinats del Roergue, aqueles catolics que refusèron lo Concordat de 1801 e que visquèron isolats dins un ròdol ostil, en demorar prigondament estacats a las practicas dels aujòls.

Un roman que tira son universalitat de sos tèmas eternals ; son las valors maires, mas sens nostalgia,  de l'intimitat amb un pichon país e del remembre de tempses passats.

IEO edicions, colleccion Òbras de Joan Bodon.

Disponible aqui la revirada francesa d'aqueu roman.

L'autor:

Joan BODON (Jean BOUDOU en francés) (Crespin, 11/12/1920 - Argeria, 24/02/1975), es un dels grands escrivans del mond modèrne. Marcat per l’imaginari del conte, tracta dins son òbra de tèmas universals o biblics per parlar de son intimitat amb la lenga occitana que vei demesir.

Extrach:

" Òc, soi Catòia. Catòia l’Enfarinat.

Jamais soi pas estat coma los autres. Jamai. Perque soi Catòia. E tanben perque soi Enfarinat.

A Sant Genièis degun sap pas que soi Catòia. Degun sap pas que soi Enfarinat. Mas ieu o sabi. Ieu, Amanç, Baptista, Blasi Codomièr.

Codomièr soi a Sant Genièis. Encara mai Amanç. E m’agrada d’èsser Amanç : sant Amanç, primièr avesque de Rodés. [...] "