Lo qui marmusava dens l'escuranha - Howard Phillips Lovecraft

Lo qui marmusava dens l'escuranha - Howard Phillips Lovecraft

Revirada en occitan (gascon) de Felip Biu dau roman de 1930: "Celui qui chuchotait dans les ténèbres" (The Whisperer in Darkness).

Novembre de 1927, dins lo Vermont : a la seguida d'un aigat  exceptional, descobrisson que los rius vessants carrejan de creaturas desconegudas. Lo professor d’universitat Wilmarth i vòl pas creire. Dusca la letra d’Akeley, estatjant del país, qu'afortís d'aver la pròva de l’existéncia d'aqueles monstres... Al fial de la correspondéncia dels dos òmes, lo mistèri s'espaissís. D'ont venon aquelas creaturas? De legendas d'un còp èra, de l'imatginacion d'Akeley, o  mai d'una realitat diferenta ? Un raconte tan dense coma sorne, del suspens còrcachant, qu'encantarà los adultes e los adolescents.

Au long d'un escambi epistolari enter un professor d'universitat e un solitari estremat e esconut dens las sèrras sauvatjas de Nava Anglatèrra, en Vermont, lo mistèri que vad de mei en mei espés.
De vertat, aqueths èstes descriuts per Henry Akeley com esconuts au pregon de la tèrra, vienguts d'espacis galactics desconeguts, e son ua creacion imaginària, de vielhas legendas, o ua realitat esvarjanta ?
Deishatz-vse donc miar peu mèste contaire dinc au cap de Lo qui marmusava dens l'escuranha tà descobrir la vertat.

Prix Pèir de Garròs 2016.

Edicions Letras d'òc, colleccion Camins, 2016.

L'autor originau:
Howard Phillips Lovecraft (1890-1937), escrivan american, qu'ei un deus mèstes de la literatura fantastica. Qu'a creat tot un legendari personau e mondes fantastics poplats de creaturas misteriosas, tenebrosas e hòraviengudas.

Lo reviraire:

Felip Biu (1973) qu’ensenha l’occitan a l’Univestitat de Pau.
Qu’a publicat en çò de las edicions Letras d’òc – Camins duas traduccions d’òbras literàrias de lenga anglesa :
– Lo qui marmusava dens l’escuranha, revirat de l’anglés The Whisperer in Darkness de H.-P. Lovecraft.
– 1984, famós roman de George Orwell.

E a las edicions Per Noste: Pilula roja, Quaranta tres, Lo diable la se creme.

Entrevista de Felip Biu, per Radio Pais a la sortida deu son libe :