La Miugrana entre-duberta - Teodòr Aubanel

La Miugrana entre-duberta - Teodòr Aubanel

Recuèlh de poésia occitana.

Teodòr Aubanel (1829-1886) es, amb Romanilha e Mistral, l’un dels pilars dau Felibritge. La Miugrana entre-duberta, lo son recuèlh de poèmas lo mai conegut, a un acuèlh entosiasta al moment de sa parucion en 1860. Es lo son amor per " Zani ", un amor impossible, qu'es a l’origina de lo son inspiracion.
De son vivent, publicarà un segond recuèlh de poésias, Li Filhas d’Avinhon. A comptar de 1880, aprèp de malentenduts amb Romanilha, s’alonharà del Felibritge.

La Miugrana entre-duberta es prepausat en grafia classica dins la colleccion dels Classics occitans, amb una introduccion en francés de Claudi Liprandi.

Edicions IEO-IDECO, colleccion dels Classics occitans.

Publicat amb lo sosten de la region Occitanie/Pyrénées-Méditerranée.

Extrach:
A ! Se mon còr aviá d’alas,
Sus ton còu, sus ton espatla,
Volariá tot en combor,
O minhòta ! A ton aurelha
Te diriá de meravilhas,
De meravilhas d’amor.

A ! Se mon còr aviá d’alas,
Subre ti boquetas pallas
Volariá come un perdut ;
Mon còr te fariá, chatona,
Cènt potons e cènt potonas ;
Parlariá, parlariá plus !

Pietat ! mon còr n’a ges d’alas !
Lo langui, la freg lo jala ;
Tè ! Lo vaquí sus ma man ;
Pren-lo dins la tieuna, ò bèla,
Come un anhèu mon còr bèla,
E plora come un enfant.