Vèrses Ortalans - Alan ROCH

Vèrses Ortalans - Alan ROCH

Un obratge poetic dedicat a la botanica.

Aprèp aver parlat
de las patas dels mila-patas,
dels pics dels eirices,
de las escaumas de las serenas,
del monde d’alas e de plumas,
dels provèrbis del beure
e del manjar,
aprèp s’èsser interessat
al bestiari e a la mit-òc-logia,
lo poèta se vira
cap al monde vegetal
per nos contar, en vèrses ortalans,
la vida reala (?!!!)
e tanplan supausada de l’òrt,
dels legums, de la frucha,
del bòsc, dels arbres,
de las èrbas, de las flors,...

Ara lo poèta se vira cap al monde vegetal per nos contar, en vèrses ortalans, la vida reala (?) e tanplan supausada de l’òrt, dels legums, de la frucha, del bòsc, dels arbres, de las èrbas, de las flors…

Qué se presenten coma de senténcias :
   "Cal pas èsser patana per plomar una patana",

jos forma de poèmas corts :  
   "Qu’èra polida la jardinièra
   "Amb sas doas polidas ròdas
   "A virar pel camin encalhaussat
   "E lo caval que tirava tranquillon
   "Sans crenta d'un còp de foet del mèstre !"  

o de poèmas mai longs, totes son plens de fantasiá, de jòcs suls mots e de jòcs de mots que vos amusaràn e encantaràn los mainatges.

Colleccion Vendèmias, edicions IEO Aude.

L'autor:

Alan Roch es nascut en 1952 a Carcassona dins Aude. Regent puèi animator cultural, es tanben autor, traductor e contaire.
Foguèt secretari general a l’IEO (1981-1986).