Auròst entà ua escort - Eric Gonzalès

Auròst entà ua escort - Eric Gonzalès

Lo darrèr roman d'Eric Gonzalès, "Auròst entà ua escort" nos mia en aqueth barri paulin de la nueit, dab personatges en marge de la societat, tà resòlver lo murtre de Laurà.

Que retrobam lo comandant Heugars, l’eròi deu son prumèr libe, L'òrra istoèra d'un hilh de Gelòs, sortit e premiat en 1996. L’autor que muisha ua grana mestresa deu genre policièr e, plan segur, de la lenga, pr’amor qu’èra ahuecat de la lenga d’òc desempuish mainat.

Atau que comença lo libe: “Lo dia qu’ei tròp beròi entà qu’agi enveja de m’ocupar d’assassinats”.

Colleccion Vias Negras n°3, edicions Reclams.

L'autor:
Éric Gonzalès que vadó en 1964 a Pau. Qu'estudiè e qu'ensenhè l'istòria, e au darrèr d'aquò, qu'esté professor d'occitan en divèrs collègis. En 2004, que reprengó estudis en letras classicas puish que hasó lo lingüista e traductor en free-lance. Que's morí lo 25 de mai de 2023.

Eric Gonzalès qu'a escriut mei d'un libe dont L'òrra istuèra d'un hilh de Gelòs qui recebó lo prèmi Joan Bodon en 1997. Òbra essenciau qui aubrí la pòrta deu roman modèrne occitan. Qu'escrivó regularament dens la revista Reclams, dont èra lo capcorrector. Qu'ei tanben l'autor deu wiki de gramatica publicat per Lo Congrès Permanent de la Lenga Occitana.