Popre ficcion - Florian Vernet

Popre ficcion - Florian Vernet

Roman policier.

Qui a torturat e assassinat tan ferotjament Cintià, prostituida de luxe, dins sa villà de Marselha ? I auriá un ligam entre aquel murtre e lo d'una de sas practicas, notari a Pinhòla ? E de qué cèrca aquela Japonesa dins los arquius del notari ?
Jos la menaça de dos tuaires de la Mafia etasuniana?, una enquista agitada, de rebombidas multiplas, que menerà Cristò de Marselha a Pinhòla, en Avinhon e a Lorda !

L’assassinat d’una panturla de luxe es enfin l’ocasion per Critò Paradòx de menar una enquista amb un pauc « d’accion » ; mai pasmens es pas totjorn de bòn chausir d’ajudar Paradòx e mai d’un lo van comprendre...

Colleccion A Tots Crimis, IEO Edicions.

L'autor:

Florian VERNET (Besièrs, 19 d’abril de 1941) es un lingüista, pedagòg e escrivan occitan. Foguèt professor d’occitan a l’Universitat Pau Valèri de Montpelhièr abans de prendre la retirada en 2006. Es tanben un dels membres de l’Acadèmia Occitana-Consistòri del Gai Saber e a l’encòp del conselh lingüistic del Congrès Permanent de la Lenga Occitana.

Extrach :
"Comenci a desesperar (e s’avián engulhat un camin de tèrra coma n’avèm crosat tant e tant ?) mai, au moment que passam davans una peirièra, au fons d’una mena de circ, entre de palas mecanicas, de camionàs e autreis engenhs remarqui, dins un virat d’uèlh, lo Dodge arrestat. 'Son elei, son aquí !' me fa Seikò. Freni, fau marcha arrièr. 'Oblidetz pas lo Beretta, Princessa dei Dragons, e servissetz-vos d’eu s’es besonh.'
Arrèsti la veitura en plen mitan de l'intrada dau chantièr."