Trésor des fables d'Auvergne-Rhône-Alpes en occitan (volume 1) - Jean-Baptiste Martin

Trésor des fables d'Auvergne-Rhône-Alpes en occitan (volume 1) - Quand nos fabulistes rivalisent avec La Fontaine

Collectiu, edicion scientifica de Jean-Baptiste Martin

De generacions de Franceses coneisson encara las faulas de La Fontaine, que las aprenguèron a l'escòla. Son estadas tanben una fònt abondosa d'inspiracion pels escrivans regionals, occitans o "patesejants", coma se disián, que las revirèron o las adaptèron en lenga nòstra. De reviradas mai o mens fidèlas, plan sovent saborosas e que son dignas d'èstre conegudas !

Del sègle 19 al jorn d'auèi, d'autors nombroses, eissuts de l'actuala Region Auvernhe-Ròse-Alps, escriguèron de faulas dins lor lenga mairala, l'occitan. Mentre que d'unas son de reviradas simplas de las faulas de La Fontaine o mai o mens d'adaptacions, la part màger son de creacions vertadièras.

Aqueste primièr volum presenta cinquanta set versions en occitan de nòu faulas plan conegudas del grand autor francés, dins totas las varietats d'occitan parladas dins la Region :

• La Cigale et la Fourmi,
• Le Corbeau et le Renard,
• La Grenouille qui veut se faire aussi grosse qu'un boeuf,
• Les Deux Mulets,
• Le Loup et le Chien,
• La Génisse, la Chèvre et la Brebis en société avec le Lion,
• La Besace,
• Le Rat des villes et le Rat des champs,
• Le Loup et l'Agneau.

Edicion scientifica de Jean-Baptiste Martin, libre bilingüe : tèxtes en occitan (grafia de l'autor, acompanhat o pas d'una transcripcion en grafia classica) amb la revirada francesa.
Dans l'introduccion, presentacion de las varietats de lenga e de grafia, e mai dels trenta cinc autors (classats per departaments).

Edicions Livres EMCC, colleccion Régionales.

Veire tanben lo segond volum aqui.